يآآآآآآآجرح دخيلك

ياجرح باأستاآذنك بنام لي ساعه
وأرجوك دخيل الله لاتصحيني

لي خمسة أيام أعيش السّمع والطّاعـة
ولك خمسة أيام تامرني وتنهيني ..

والمشكلة جت عروق القلب فزّاعّـة
مايكفي أنك سرقت النوم من عيني ..

أصبحت أنا القاز وأنت أمسيت ولاّعـة
شبيتني يلعن أهلك وش يطفّيني ؟!!

دكتور , وممرضة , وإبرة , وسمّاعـة
في كل ليلة ولا يدرون وش فيني !!

ياسيدي الجرح قلبي يشتكي راعـة
لا الذنب ذنبي ولا الموضوع بيديني ..

حبيت وأخلصت وأثر الحب فقاعة
روّح وباقي يموتني ويحييني ..

غيري هدر دم عشق وللاسـف باعـة
غيري قتل كل حب بحد سكيّني ..
وأنا اللي أصبحت للأخطاء شمّاعـة
وأدفع ثمن كل غلطة من محبيني ..

قبلي في العشق ناس تشكي أوجاعـة
قالوا متاهـة وأنا جيتة برجليني ..

بدايتـة سلسلـة والنّفس طمّاعـة
أغـراني أدري ولا في شي يغريني !!

واليوم لو قلت يا أهل الحب وأطباعـة
أنتم على دينكم وأنا على ديني ..

أجبرني الجرح أعيش السّمع والطّاعـة
حتى ولو قلت له ياجرحي أعفيني ..

من خمسة أيام وأنا في رجاه ساعـة
وأن جيت بأنامها جرحي يصحّيني